వార్డు వాలంటీర్ల నియామకానికి దరఖాస్తులు ఆహ్వానం

వార్డు వాలంటీర్ల నియామకానికి దరఖాస్తులు ఆహ్వానం

ప్రసన్న ఆంధ్ర, రాజంపేట

పురపాలక పరిధిలో గల ఖాళీగా ఉన్న 14 వార్డు వాలంటీర్ల నియామకానికి గాను ఆసక్తిగల అభ్యర్థులు దరఖాస్తు చేసుకోవాలని మునిసిపల్ కమిషనర్ ఎం.జనార్దన్ రెడ్డి శుక్రవారం ఒక ప్రకటనలో పేర్కొన్నారు. స్థానికులై, ఇంటర్మీడియట్ విద్యార్హత కలిగి.. 18 నుంచి 35 సంవత్సరాల లోపు వయస్సు కలిగిన నిరుద్యోగులు ఈనెల 24వ తేదీ నుంచి ఏప్రిల్ 4వ తేదీ వరకు ఆన్లైన్ లో దరఖాస్తు చేసుకోవాలని సూచించారు. పోస్టు ఖాళీలతో పాటు ఇతర వివరములను పురపాలక కార్యాలయంలోనూ, తపాలా కార్యాలయంలోనూ, మండల పరిషత్ అభివృద్ధి కార్యాలయం, తహసిల్దార్ కార్యాలయం ఆర్డిఓ కార్యాలయం తో పాటు అన్ని వార్డు సచివాలయాల యందు నోటీసు బోర్డు ఏర్పాటు చేయడం జరిగిందని తెలియజేశారు. ఆసక్తి కలిగిన నిరుద్యోగ అభ్యర్థులు అవకాశాన్ని సద్వినియోగం చేసుకోవాలని సూచించారు.