శునక సంతతికి అడ్డుకట్ట కు.ని తోనే సాధ్యం డాక్టర్ అబ్దుల్ ఆరిఫ్.

చిట్వేలి లో జంతువులకు కు.ని ఆపరేషన్లు నిర్వహించిన పశువైద్యులు.

అన్నమయ్య జిల్లా చిట్వేలు మండలం పరిధిలోని పశు వైద్యశాల నందు డాక్టర్ అబ్దుల్ అరిఫ్ ఆధ్వర్యంలో జంతువులకు కుటుంబ నియంత్రణ ఆపరేషన్లు నిర్వహించారు.

ఈ సందర్భంగా వారు మాట్లాడుతూ కుక్కల వల్ల కలిగే ఇబ్బందులు, మరణాలు కూడా చోటు చేసుకున్న సందర్భాలు అనేకం ఉన్నాయని కొంతమేరకు వాటి సంతతిని తగ్గించాలని ఉద్దేశంతో ఈరోజు ఆపరేషన్లను విజయవంతంగా నిర్వహించామని పెంపుడు కుక్కలను కలిగిన యజమానులు ఈ పద్ధతులను పాటించడం వల్ల ఎంతో ప్రయోజనం ఉంటుందని తెలిపారు.

డాక్టర్ కె డి వరప్రసాద్ మాట్లాడుతూ ప్రతి ఒక్కరూ జంతువుల పట్ల దయ, ప్రేమ కలిగి ఉండాలని అవసరం లేని జంతువుల సంతతిని ఈ పద్ధతి ద్వారా కట్టడి చేయాలని అందరూ ఈ అవకాశాన్ని ఉపయోగించుకోవాలని కోరారు.

కార్యక్రమంలో డాక్టర్ భువనేశ్వరి, డాక్టర్   తేజస్వి, గోపాల్, పశువుల ఆసుపత్రి సిబ్బంది తదితరులు పాల్గొన్నారు.