శ్రీ సాయి వికాస్ లో ముందస్తు దసరా వేడుకలు.

శ్రీ సాయి వికాస్ పాఠశాలలో ముందస్తు దసరా సంబరాలు.

విజయానికి ప్రతికే దసరా..

కరస్పాండెంట్ రెడ్డయ్య.

రానున్న నవరాత్రి దసరా ఉత్సవాల్లో భాగంగా ముందస్తు దసరా సంబరాలను చిట్వేలు గ్రామ పరిధిలోని శ్రీ సాయి వికాస్ పాఠశాల నందు కరస్పాండెంట్ తిరుమల రెడ్డయ్య ఆధ్వర్యంలో శుక్రవారం ఉదయం ఘనంగా నిర్వహించారు.

విజయానికి చిహ్నమైన దసరా వేడుకలను అధ్యాపకులు, పిల్లలు సాంప్రదాయ దుస్తులు ధరించి పెద్ద ఎత్తున నిర్వహించారు. తెలుగు సాంప్రదాయాన్ని తెలియపరిచేలా గ్రామీణ వాతావరణం, కొండపల్లి, దేవతామూర్తులకు సంబంధించిన అనేక విషయాలను తెలియపరిచే వివిధ రకాల బొమ్మలను విద్యార్థులు ఓచోట కొలువు తీర్చారు.

కరస్పాండెంట్ తిరుమల రెడ్డయ్య మాట్లాడుతూ... దసరా అంటేనే ముచ్చటైన బొమ్మల కొలువనీ, విజయానికి ప్రతీకగా జరుపుకునే ఈ దసరా విద్యార్థులందరికీ ఆరోగ్యం, ఆయుషు, విజయం, శుభప్రదమైన ఫలితాలను అందించాలని కోరుకుంటూ మండల ప్రజలందరికీ ముందస్తు దసరా శుభాకాంక్షలు తెలియపరిచారు.

ఈ కార్యక్రమంలో ప్రధానోపాధ్యాయురాలు వి. మాధవి, ఉపాధ్యాయ సిబ్బంది, విద్యార్థినీ విద్యార్థులు పాల్గొన్నారు.