ఆచూకీ గుర్తించడంలో సీసీ కెమెరాల పాత్ర కీలకం. --సీఐ ఫక్రుద్దీన్ బాబా.

ఆచూకీ గుర్తించడంలో సీసీ కెమెరాల పాత్ర కీలకం.

--సీఐ ఫక్రుద్దీన్ బాబా

ఏవైనా సంఘటన జరిగినప్పుడు నిందితులను పట్టుకోవడంలో సీసీ కెమెరాల పాత్ర కీలకమని సీఐ ఫక్రుద్దీన్ బాబా పేర్కొన్నారు. అన్నమయ్య జిల్లా ఎస్పీ ఆదేశాల మేరకు శుక్రవారం చిట్వేలి లో ఆయన సీసీ కెమెరాల పనితీరును పరిశీలించారు.తాను మాట్లాడుతూ ముఖ్యంగా యువత స్వేచ్ఛ కు అలవాటు పడి ఇంటర్నెట్ మాయాజాలంలో పలు వ్యసనాలకు గురి అవుతున్నారని అవి ఆత్మహత్యలకు దారితీస్తున్నాయని అన్నారు. తల్లిదండ్రులు పిల్లల పట్ల పర్యవేక్షణ కలిగి ఉండాలని తెలిపారు. కాగా సీసీ కెమెరాల ఏర్పాటు వల్ల జరిగిన ఇబ్బందులను తేలికగా గుర్తించవచ్చని తెలుపుతూ ప్రతి దుకాణదారుడు సీసీ కెమెరాలను అమర్చుకోవాలని తెలిపారు. ప్రస్తుతం 69 సీసీ కెమెరాలు ఉండగా,వాటిలో కొన్నింటి పనితీరును స్థానిక ఎస్సై సుభాష్ చంద్రబోస్ తో కలిసి పరిశీలించారు. ఈ కార్యక్రమంలో పోలీస్ సిబ్బంది పాల్గొన్నారు.