ఐజిసి శిబిరానికి ఎంపికైన చిట్వేలి ఎన్సిసి విద్యార్థిని భవ్యశ్రీ.

ఐ.జి.సి శిబిరానికి చిట్వేలి ఎన్సిసి భవ్య శ్రీ ఎంపిక.

ఐ జి సి (ఇంటర్ గ్రూప్ కాంపిటీషన్) రాష్ట్రస్థాయి శిబిరానికి అన్నమయ్య జిల్లా చిట్వేలు జిల్లా పరిషత్ ఉన్నత పాఠశాలకు చెందిన ఎన్సిసి క్యాడేట్ వెలగచర్ల భవ్య శ్రీ ఎంపికవడం పట్ల పాఠశాల ప్రధానోపాధ్యాయులు ఏ కృష్ణమూర్తి ఎన్సిసి అధికారి పసుపుల రాజశేఖర్ లు హర్షం వ్యక్తం చేశారు.

ఈ సందర్భంగా ఎన్సిసి అధికారి రాజశేఖర్ మాట్లాడుతూ తల్ సైనిక్ శిబిరంలో భాగంగా ఈనెల 25 నుండి గుంటూరు జిల్లా చీరాలలో జరగనున్న ఐజిసి శిబిరానికి భవ్య శ్రీ ఎంపికైందని గత 40 రోజులుగా తాను కడప చిత్తూరు తిరుపతిలో నిర్వహించిన కఠినమైన పోటీని ఎదుర్కొని ఫైరింగ్ లో జూనియర్ వింగ్ విభాగంలో ఎంపికవడం చిట్వేలి జిల్లా ఉన్నత పాఠశాలకే గర్వంగా ఉందన్నారు. తదుపరి అక్కడ ఎంపికైన వారు నేరుగా ఢిల్లీ క్యాంపుకు వెళ్తారన్నారు.

ఈ సందర్భంగా పాఠశాల ఉపాధ్యాయులు తల్లిదండ్రులు తోటి పిల్లలు ఎంపికైన భవ్యశ్రీ కి శుభాకాంక్షలు తెలియపరిచారు.