ఆకేపాటి అవార్డుకు ఎంపికైన శ్రీ సాయి వికాస్ ఉపాధ్యాయుడు.

ఉత్తమ ఉపాధ్యాయుడిగా షాజీ భాస్కర్.

ఉమ్మడి కడప జిల్లా జడ్పిటిసి చైర్మన్ ఆకేపాటి అమర్నాథ్ రెడ్డి స్వచ్ఛంద సంస్థ ద్వారా ప్రభుత్వ, ప్రైవేటు పాఠశాలలకు గాను నిర్వహించే ఉత్తమ ఉపాధ్యాయుల ఎంపికకు చిట్వేలి మండల శ్రీ సాయి వికాస్ పాఠశాల నుంచి జీవశాస్త్ర బోధకుడు ప్రధానోపాధ్యాయులు షాజీ భాస్కర్ ఎంపికైనట్లు కరస్పాండెంట్ తిరుమల రెడ్డయ్య తెలియపరిచారు.

అంతర్జాతీయ ఉపాధ్యాయ దినోత్సవం సందర్భంగా గురువారం కడప జిల్లా పరిషత్ కార్యాలయంలో ఆకేపాటి ఫౌండేషన్ నిర్వాహకులు అమర్నాథ్ రెడ్డి చేతుల మీదుగా ఈ అవార్డు అందుకున్నట్లు కరస్పాండెంట్ అన్నారు. తమ పాఠశాల ఉపాధ్యాయునికి అరుదైన గౌరవం దక్కడం పట్ల కరస్పాండెంట్, అధ్యాపక బృందం, విద్యార్థులు హర్షం వ్యక్తం చేస్తూ ఉపాధ్యాయుడు షాజీ భాస్కర్ కు ప్రత్యేక అభినందనలు తెలియపరిచారు.