ఘనంగా అభిషేక్ రెడ్డి విజయోత్సవ ర్యాలీ.

ఘనంగా అభిషేక్ రెడ్డి విజయోత్సవ ర్యాలీ.

సిడిఎస్ ఫలితాలలో విజయాన్ని సాధించి, భారతదేశ ఆర్మీ విభాగంలో లెఫ్టినెంట్ కల్నల్ గా అత్యున్నత స్థానాన్ని పొందిన.. చిట్వేలి మండలం మైలపల్లి గ్రామ నివాసి ముద్దా రవికుమార్, రాధిక రెడ్డిల కుమారుడు ముద్దా అభిషేక్ రెడ్డి భారత మాత సేవకై విధుల్లో చేరేందుకు వెళుతున్న క్రమంలో శనివారం ఉదయం ఘనంగా స్వచ్ఛంద విజయోత్సవ ర్యాలీ నిర్వహించారు.

ఇందులో చిట్వేలి మండల వ్యాప్తంగా స్వచ్ఛంద సంస్థలు, ప్రజలు, యువత పెద్ద ఎత్తున పాల్గొని అంబేద్కర్ సర్కిల్ నుండి స్థానిక ఉన్నత పాఠశాల వరకు ప్రత్యేక వాహనంలో బాణాసంచా పేలుస్తూ, డప్పులు వాయిస్తూ జేజేలు పలుకుతూ పెద్ద ఎత్తున ర్యాలీ కార్యక్రమం చేపట్టారు. సాధించిన విజయానికి అభినందనలు తెలుపుతూ.. భవిష్యత్తులో మరెన్నో ఉన్నత ఉద్యోగ పదవులను అలంకరించాలని చిట్వేలి మండల పేరును మరింత ఉన్నత స్థాయికి చేర్చాలని అభిషేక్ రెడ్డికి సూచించారు.

ఈ కార్యక్రమంలో చిట్వేల్ హెల్ప్ లైన్ సొసైటీ బాధ్యులు, మానవతా సంస్థ బాధ్యులు, ప్రజలు,యువత స్వచ్ఛందంగా పెద్ద ఎత్తున పాల్గొనీ కార్యక్రమాన్ని జయప్రదం చేశారు.